Murad Arif : “Məhəbbət mahnılarının hamısında seks, intim, erotika var...”

Gənc bəstəkar sənət adamlarının onun bu fikirlərini anlayışla qarşılayacağına ümid edir

“Vəhşət, şəhvət, dəhşət... Bu, tək Azərbaycanda deyil. İndoneziyadan tutmuş dünyanın hər hansı nöqtəsinə qədər oxunan, yazılan bütün mahnıların içində ehtiras var. Ana, vətən, futbol komandasına həsr olunmuş mahnılar istisna olmaqla, bütün folklor mahnıların mövzusu belədir”.

Məşhur teleaparıcı və hit mahnıların müəllifi Murad Arif Lent.az-a açıqlamasında məhəbbət mahnılarının reseptini açıqlayıb: “Mahnıda vüsal var. Əgər aşiq öz yarına yetişmirsə, olur minor... Yox, əgər vüsala yetişdinsə - “Əmiqızı” mahnısı yaranır.

Çılğın, ehtiraslı mahnılar müəllifi Murad Arif bunun səbəbini şəxsi düşüncəsilə belə izah edib: “Məhəbbət hisslərini yaşamadan seks ola bilər. Amma seksual, intim münasibətləri ağlına gətirmədən məhəbbət yaşamaq olmaz. Məhəbbət haqda yazılan bütün mahnılarda mütləq, üstüörtülü şəkilə olsa, seks, intim, erotika elementləri var. Bütün məhəbbətlərin kulminasiyası vüsal deyilmi? Mahnılarda məhəbbət hardadırsa, mütləq həmin vüsal anına eyhamlar olmalıdır və var! Əgər vüsal əlçatmazdırsa, mahnılar da qəmli olacaq. Əksinə, vüsal an yaxınlaşırsa, realdırsa, mahnılar da şən, gümrah, sevindirici, pozitiv olacaq”.

Murad bu açıqlamadan sonra əsl yaradıcı sənət adamlarının onu anlayacağına əminliyini bildirib.

Leyla