İlhamə Quliyeva: “Mənə hədiyyə verən şəxslər adıarını da üstündə yazsınlar”

Müğənninin oğlü Orxan anasının seçimindən sonra özü də ailə quracağı qızı tanımaq fikrindədir

Avqustun 17-də xalq artisti İlhamə Quliyevanın doğum gnünüdür. Bu barədə Lent.az-a açıqlama verən müğənninin mətbuat katibi Faiq Ələkbərli telekanallardan birinin ayın 16-da geniş şəkildə onun ad gününü qeyd edəcəyini bildirib: “Bir neçə saat davam edəcək tədbirdə İlhamə xanımın dostarı, incəsənət və elm xadimləri iştirak edəcək.
Daha sonra İlhamə xanım yaxın çevrəsi, ailə üzvləri ilə birlikdə doğum gününü qeyd edəcək”.

Müğənni avqustun 17-də, doğum günündə heç bir mərasim düzənləməyəcək. Mətbuat katibi sənətçinin bu il gözlədiyi və reallaşmasını istədiyi arzularından danışıb: “Onun ən böyük arzularından biri təbii ki, oğlunu evləndirməkdir. Lakin Orxan ilə aralarında razılaşma var: İlhamə xanım onun evlənəcəyi qızı bəyəndikdən sonra Orxan özü də həmin qızı tanımaq istəyir”.

Xalq artisti yenidən ailə qurmağı da düşünür: “O, həmişə, hər yaşda özünü cavan hesab edir. İlhamə xanım yaxşı bir insanla qarşılaşdığı halda ailə qurmağı da düşünür.

İlhamə Quliyeva Lent.az vasitəsilə onu təbrik edəcək şəxslərə müraciət də ünvanlayıb: “Ötən il doğum günümdə mənə çoxlu hədiyyələr, bahalı üzüklər bağışlamışdılar. Lakin hədiyyələrin üstündə ad yazılmadığı üçün kimin nə bağışladığını bilmədim. Bu il mənə hədiyyə verən şəxslər adını hədiyyə paketinin üstündə yazsınlar”.

Lalə Yusifqızı