Aprelin 13-də İspaniya çempionatının 31-ci turunun oyununda "Barselona" "Kadis"i minimal hesabla (1:0) məğlub edib.
Lent.az xarici mediaya istinadən bildirir ki, yeganə qolu "Atletiko"dan icarəyə götürülən Joao Feliks vurub. Beləliklə, Xavi yayda klubu tərk etmək qərarını açıqladıqdan sonra kataloniyalılar hələ heç bir oyunda uduzmayıb.
Sonuncu məğlubiyyət yanvarın 27-də "Vilyarreal"la oyunda (3:5) qeydə alınıb, bundan sonra ispaniyalının gedəcəyi məlum olub.
Aprelin 16-da "Barsaselona” Çempionlar Liqasının 1/4 finalında PSJ ilə cavab oyunu, beş gün sonra isə çempionatda "Real" ilə qarşılaşacaq.
İspaniya çempionatının 31 turundan sonra Kataloniya klubu 70 xal toplayaraq ikinci pillədə qərarlaşıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
