"Real" keçmiş oyunçusuna görə iki kubokdan məhrum ola bilər

“Real”ın basketbol şöbəsi problemlə üzləşə bilər. Və bütün bunlar onun keçmiş oyunçusu Markus Sloterə görədir.

Lent.az-ın xarici KİV-ə istinadla məlumatına görə, “Real”ın basketbolçuları Madrid futbol klubunun oyunçuları ilə demək olar ki, eyni zəngin ənənələrə malikdirlər. Onların bölməsi 1931-ci ildə yaradılıb.

“Real”ın keçmiş oyunçusu Markus Sloterlə bağlı son xəbərlər hazırlıqlara kölgə sala bilər. Xəbər verilir ki, amerikalının problemləri kluba problem yarada bilər.

2015-ci ildə Sloter və “Fuenlabrad”ın basketbolçusu Endi Panka pasportlarını saxtalaşdırmaq qərarına gəliblər. İspaniya liqası Avropa İttifaqından kənar oyunçuların iştirakını məhdudlaşdıran reqlament qəbul edib. Hər oyun üçün onlardan yalnız ikisi seçilə bilərdi.

Məşqçilərin baş ağrısını azaltmaq üçün onlar Ekvatorial Qvineya pasportu alıblar. Ölkə əvvəllər assosiasiya sazişinə qoşulub, bunun sayəsində keçmiş İspaniya müstəmləkəsində əldə edilmiş pasport Avropa İiitifaqı ölkələrindən birində verilmiş sayılırdı.

Slpter və Pankın pasportlarında eyni nömrələrin olduğu və basketbolçuların eyni agentliyə mənsub olduğu ortaya çıxanda fırıldaq üzə çıxıb. Dərhal hüquqi prosedurlara başlanılıb.

İstintaq tez dayandırılıb, lakin fevral ayında yenidən açılıb. İspaniya ədliyyə sistemi artıq amerikalılar və 22 məmurun həbsinə order verib.

Sloter günahkar bilinərsə, 16 ay həbs cəzası alacaq və “Real” onunla birlikdə heyətdə qazandığı kubokları itirəcək. Söhbət çempionatdan və daha sonra Kataloniyaya gedəcək İspaniya kubokundan gedir.

Markus Sloter 2015-ci ildə İspaniyanı tərk edib. O, 2021-ci ildə karyerasını başa vurmaq qərarına gəlib.