Xaçmazda ana və uşaq doğuş zamanı ölüb

Azərbaycanda doğuş zamanı ana və uşaq ölümü faktı qeydə alınıb.

APA-nın şimal bürosu xəbər verir ki, hadisə oktyabrın 9-da qeydə alınıb. Xaçmaz şəhəri, Müslüm Maqomayev küçəsində yaşayan 1981-ci il təvəllüdlü Arzu Rəhim qızı İsmayılova və körpəsi doğuş zamanı ölüb. Hadisə Xaçmaz Mərkəzi Rayon Xəstəxanasının Doğum Evində baş verib.

Xəstəxanada APA-ya faktı təsdiqləyiblər.

Faktla bağlı araşdırma aparılır.