Novosibirskdə 19 yaşındakı azərbaycanlı Vəkil Abdullayevi güllələyən 38 yaşlı yol polisi müfəttişi saxlanılıb.
Lent.az-ın Rusiya mediasına istinadla verdiyi xəbərə görə, polis əməkdaşına qarşı Rusiya Cinayət Məcəlləsinin 109-cu maddəsi (“Səhlənkarlıqla ölümə səbəb olmaq”) ilə ittiham irəli sürülüb.
İstintaqdan verilən məlumata görə, mayın 28-i axşamı Novosibirsk yaxınlığındakı Moşkovo qəsəbəsində yol polisi müfəttişi şəxsiyyəti müəyyənləşdirmək üçün tutulan şəxsi xidməti maşına mindirib. Bu anda, saxlanılan şəxsin tanışı olan 19 yaşlı bir gənc polisə müdaxilə etməyə başlayıb.
Yol polisi müfəttişi gənci əlləri və ayaqları ilə döyməyə başlayıb, sonra xidməti tapançasını çıxarıb və tətiyi çəkib. Gənc azərbaycanlı başından güllə yarası alıb. O, mayın 30-da xəstəxanada vəfat edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
