Polis rəisinə  qarşı yarım milyonluq DƏLƏDUZLUQ
02 dekabr 2023 18:42 (UTC +04:00)

Polis rəisinə qarşı yarım milyonluq DƏLƏDUZLUQ

Türkiyədə keçmiş bank əməkdaşı Seçil Erzan işində zərərçəkənlər arasında polis rəisi də var.

Lent.az yerli mediaya istinadla bildirir ki, həmin şəxs Tekirdağ vilayəti Çorlu qəsəbəsinin polis rəisi Hüseyn Eligüldür. Məlumata görə, o, dələduz bank işçisinə 500 min dollar pul verib.

Eligül ifadəsində, “Seçilə güvənərək bir neçə dəfə fonda yatırması üçün pul verdim. Pulları hissə-hissə geri qaytardı. Fəqət qalan hissəni ala bilmədim” deyib.

Qeyd edək ki, S. Erzan 11 il ərzində çoxlu sayda futbolçu, iş adamı və yaxınlarına “Fond” vasitəsilə yüksək pul qazanacaqlarını deyərək, onların külli miqdarda pullarını ələ keçirib. Onun 226 il həbsi istənilib. Hazırda araşdırmalar davam edir.

# 10032
avatar

Oxşar yazılar