İran İslam Respublikasının ali rəhbəri ayətullah Seyid Əli Xamneyi bir-birinə qohum olmayan və tanışlığı olmayan kişilərlə qadınlar arasında internet yazışmasına qadağa qoyub.
Lent.az-ın «RİA Novosti»-yə istinadən məlumatına görə, onun rəsmi saytında yerləşdirilmiş fitvada bildirilib : «Əxlaqsızlığın baş alıb getdiyini nəzərə alaraq, belə yazışmalar qadağan olunur».
Ayətullah Xamneyinin verdiyi fitva İranda «WeChat» proqramından istifadənin dayandırılmasından bir neçə gün sonraya təsadüf edir. «WeChat» – smartfon istifadəçilərinə sosial şəbəkələrə qoşulmaq imkanı verən bir proqramdır.
Prezident Həsən Ruhani də daxil olmaqla İran hakimiyyətinin bir çox nümayəndəsinin «Twitter» və «Facebook» şəbəkələrində səhifələri var.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
