Bu GERÇƏKDİR: 6 dəfə ölüb dirildi - Həyatı sənədli film oldu

Tanzaniyada 40 yaşlı İsmayıl Azizi altı dəfə ölüm anını yaşayıb və hər dəfə həyata qayıdıb. Onun hekayəsi sənədli filmə mövzu olub və insan orqanizminin imkanlarının sərhədləri barədə müzakirələrə gətirib çıxarıb.

Lent.az xəbər verir ki, ilk hadisə işdə ağır xəsarət aldıqdan sonra baş verib. Həkimlər onun ölümünü təsdiqləyiblər, cəsəd morqa aparılıb. Lakin Azizi qəfil “oyanıb” və oradan çıxıb, ətrafdakıların hamısını qorxudub. Onu yenidən dirilmiş halda görən insanlar vahimə içində qaçıblar, çünki qarşılarında bir ruhun göründüyünü zənn ediblər.

Onun ikinci “ölümü” zamanı həkimlər Azizinin malyariyadan öldüyünü düşünüblər, lakin o, tabutda uzanarkən qəfil “oyanıb və sağ olduğunu anlayıb”. Bu isə ailəsi üçün böyük bir sarsıntı olub.

Dəhşətli bir yol-nəqliyyat hadisəsi onu komada xəstəxanaya gətirib və yenidən tabuta salınıb. Lakin bu sınaqdan da sağ çıxıb.

Bir il sonra Azizini zəhərli ilan sancıb və çoxları bunun onun sonu olduğuna inanıb, çünki o, artıq heç nəyə reaksiya verməyib, ölü elan olunub və morqa aparılıb. Orada tam üç gün “ölü” vəziyyətdə qalıb. Lakin əvvəlki kimi yenidən oyanıb.

Beşinci dəfə ölümün pəncəsindən qurtulduqdan sonra yerli sakinlər ondan şübhələnməyə başlayıblar və əmin olublar ki, o, təhlükəli ruh və ya cadugərdir.

Altıncı “ölüm” isə kəndlilərin onu evində diri-diri yandırmağa çalışması ilə baş verib. Azizi alovun içində boğulub, lakin bir daha morqda uzanarkən dirilib. Onun dərisində hələ də yanıq izləri qalmaqdadır.

Azizi etiraf edir ki, onun “geri dönüşləri” həyatına dağıdıcı təsir göstərib. 40 yaşlı kişi deyib:

“İnsanlar məni bizim bölgədəki ən güclü cadugər hesab edirlər. Həyat davam edirdi, amma mən hiss edirdim ki, mənim həyatımda nəsə düzgün deyil. Hər dəfə ölüb geri qayıdanda bədənim çox qəribə hisslər keçirirdi”.

O, ilk dəfə ölümündən sonra dirildiyi vaxt deyib ki, yerli insanlar onu görəndə “qaçmağa” başlayıblar və onu ruh hesab ediblər:

“İnsanlar mənə cadugər kimi yanaşmağa başladılar. Bundan sonra həyat davam etsə də, insanlar mənim həqiqi insan olduğuma inanmırdılar. Onların hamısı düşünürdü ki, mən ruham, bəziləri isə yaşadıqlarım səbəbindən məndən qorxurdu”.

Sonra kişi etiraf edib ki, cəmiyyətdə qəbul olunmaqda yaşadığı “çətinliklər” üzündən arvadı və övladları olmadan, tamamilə qonşulardan təcrid olunmuş şəkildə tək yaşayır.

Sənədli filmdə yerli sakinlər də təsdiqləyiblər ki, “hamı ondan çox qorxur”.

“Onun yaşadıqları o qədər dəhşətlidir ki, mən özüm də ondan qorxuram”, — deyə Azizini yaxşı tanıyan başqa bir sakin bildirib: “Mən bunu öz gözlərimlə görmüşəm. Tanıdığın birinin öldükdən sonra yenidən həyata qayıtmasını görmək çox dəhşətlidir. Biz onu hər dəfə görəndə qaçırıq, çünki onun insan olduğuna inana bilmirik”.

Azizi həmçinin dəhşətlə xatırlayıb ki, bir dəfə morqdan çıxıb: “Mən baş verənləri hiss etmirdim, amma yenidən oyandım və çox güclü soyuqluq hiss etdim. Xoşbəxtlikdən morq bağlı deyildi və orada insanlar sadəcə uzanmışdılar, qutularda tək-tənha bağlı deyildilər. Mən qalxıb getdiyimdə tam ayıq deyildim, amma hamının mənə şokla baxdığını görürdüm”.