“Diri tutacağıq...”
26 avqust 2010 10:21 (UTC +04:00)

“Diri tutacağıq...”

Avstriyada əsgərlər “Zeltveq” hərbi hava bazasını yuva seçən leyləkləri qovmaq istəyiblər. Lent.az-ın “Reuters” agentliyinə istinadən verdiyi məlumata görə, əsgərlər leyləklərin qırıcı təyyarələrin qəzaya uğramasına yol açacaqlarından ehtiyatlandıqları üçün bu niyyətə düşüblər.

Ancaq əsgərlərin leyləkləri qovmaq niyyəti heyvanların hüquqlarını müdafiə edənləri qəzəbləndirib. Heyvan müdafiəçiləri Hansi və Lisa adı verdikləri bir cüt leylək ilə onların 7 balasının bazadan qovulmasına etiraz olaraq aksiya keçirib. Müdafiə Nazirliyi geri addım atmaq məcburiyyətində qalıb.

Müdafiə Nazirliyi hərbi bazadakı leyləklərin canlı olaraq, yaxalanacağına zəmanət verərək hüquq müdafiə təşkilatlarını razı salmağa çalışır. Hüquq müdafiə təşkilatları isə ordunun leyləklərin köç mövsümü olan sentyabrın ortalarına qədər gözləməsini tələb edir. Bu, hazırda ölkə mətbuatında ən çox işıqlandırılan məsələdir.
# 629

Oxşar yazılar