Rusiyada azyaşlının bıçaqlanması nəticələnən dəhşətli hadisə baş verib.
Lent.az Rusiya İstintaq Komitəsinin məlumatına istinadən xəbər verir ki, faciə Sverdlovsk vilayətində qeydə alınıb.
34 yaşlı ana polisə zəng edərək bildirib ki, evinə saqqallı “oğru” girərək 8 yaşlı qızını bıçaqlayıb.
Hüquq-mühafizə orqanlarının əməkdaşları ünvana gələrək araşdırmaya başlayıb. Lakin ekspertiza müəyyən edib ki, evə başqa heç kim gəlməyib. Məlum olub ki, azyaşlı qızı ana özü bıçaqlayıb.
Dindirilmə zamanı ana qızını öldürdüyünü etiraf edib. Onun sözlərinə görə, uşaq şıltaq olub, yatmaq istəməyib. Belə olan halda ana bıçağı götürərək yatmadığı təqdirdə qızını “əbədi yuxu”ya göndərəcəyini deyib. Qızın inad etməsi anasını hövsələdən çıxarıb. Bıçaq xəsarətindən 8 yaşlı qız dünyasını dəyişib.
Hazırda şübhəli şəxs həbs edilib. Onun barəsində cinayət işi açılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
