2026-cı ildə getdikcə daha çox səyahətçi tətil üçün az populyar məkanları seçir. Barselona və ya Venesiya kimi məşhur şəhərlərdə turist izdihamından qaçmaq istəyənlər daha sakit tempdə istirahət etmək və şişirdilmiş qiymətlərlə qarşılaşmamaq üçün az tanınan istiqamətlər axtarırlar.
Lent. az xarici mediaya istinadən xəbər verir ki, 2026-cı ildə səyahətçilərin 21 faizi daha az tanınan yerlərə getmək istəyir. Onlar aşağı qiymətləri (51 faiz), daha az turist olmasını (44 faiz) və unikal görməli yerləri və ya mədəniyyəti (40 faiz) olan kiçik şəhərlərə səfər etməyin əsas səbəbləri kimi göstərirlər.
İspaniyanın Seqoviya şəhərinə turist marağı ən çox artıb
Mərkəzi İspaniyada yerləşən, əhalisi cəmi 55 min nəfər olan bu şəhər hazırda maraqda 96 faiz artım göstərir.
Şəhər İspaniyanın paytaxtı Madridə cəmi 90 kilometr məsafədə yerləşir və buradan Müqəddəs Yakov (Santiago) ziyarət yolu keçir.
Seqoviya UNESCO-nun Ümumdünya İrs siyahısına daxildir və “muzey-şəhər” statusu daşıyır.
Şəhərin əsas görməli yerləri sırasında qotik üslubda Seqoviya kilsəsi və İspan krallarının Alkazar sarayı var.
Populyarlığı sürətlə artan Avropanın 10 az tanınan şəhəri
Seqoviya, İspaniya (+96 faiz)
Mursiya, İspaniya (+86 faiz)
Bari, İtaliya (+85 faiz)
Antverpen, Belçika (+69 faiz)
Gent, Belçika (+66 faiz)
Malaqa, İspaniya (+63 faiz)
Faru, Portuqaliya (+51 faiz)
Krakov, Polşa (+51 faiz)
Brüqqe, Belçika (+49 faiz)
Rotterdam, Niderland (+49 faiz)
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
