Samsung-un yeni noutbukunun qiyməti açıqlandı

Qualcomm şirkəti Snapdragon X Elite adlı desktop prosessorunu keçən il təqdim etsə də, hələ onun vasitəsilə çalışan heç bir noutbuk təqdim edilməyib.

Lent.az xarici KİV-ə istinadən xəbər verir ki, gözləntilərə əsasən sözügedən prosessoru öz noutbukunda istifadə edəcək şirkətlərdən biri də Samsung olacaq. İndi isə Roland Quandt adlı məşhur insayder Samsung-un Snapdragon X Elite prosessorlu təqdim edilməmiş noutbukunun gözlənilən satış qiyməti barəsində məlumat verib.
Nəzərə alsaq ki, Snapdragon X Elite prosessoru öz performansı baxımından Apple M3 ilə rəqabət aparmağa hədəflənib, ona sahib olacaq noutbukun qiyməti də aşağı olmayacaq. İnsayderin sözlərinə əsasən Samsung şirkəti Qualcomm-un desktop prosessorunu Galaxy Book 4 Edge noutbukuna quraşdıracaq. Sözügedən noutbukun yaxın aylar ərzində təqdim olunacağı gözlənilir. Galaxy Book 4 Edge noutbukunun Snapdragon X Elite ilə yanaşı özündə 14 düym ölçülü ekranı, 16 GB RAM-ı və 512 GB SSD-ni birləşdirəcəyi gözlənilir. Roland Quandt bildirib ki, bu cür noutbukun qiyməti 1800 avro təşkil edəcək.