NASA 50 ildən sonra ilk dəfə Aya səyahət planlaşdırır

NASA, əvvəllər 2026-cı ilin aprel ayına təxirə salınan tarixi Artemis 2 missiyasına sürpriz bir yeniləmə edərək, buraxılışın 6 fevralda baş tuta biləcəyini açıqlayıb.

Lent.az xəbər verir ki, agentlik dəqiq tarixin hava şəraitindən və texniki yoxlamalardan asılı olaraq müəyyən ediləcəyini bildirib.

NASA yanvar ayının sonunda raketin yanacaqla doldurulacağı və geri sayım prosedurlarının tətbiq ediləcəyi kritik bir məşq keçirməyi planlaşdırır.

Apollon proqramından bəri Aya ilk insanlı uçuş olan bu missiyada dörd kosmonavt 10 gün ərzində Orion kapsulunun həyat təminatı sistemlərini sınaqdan keçirəcək.

Yer kürəsinin ətrafında orbitə çıxdıqdan sonra komanda Ayın uzaq tərəfindən kənara uzanan bir marşrutu izləyəcək.