Almaniyanın avtomobil istehsalçısı olan “Mercedes-Benz Group AG” 2024-cü ilin sonuna kimi dünyada elektrik avtomobilləri üçün 2000 sürətli enerji doldurma stansiyası açmağı planlaşdırır.
Lent.az xəbər verir ki, bu barədə şirkətin press-relizində deyilir.
İlk üç stansiya bu ilin payızında Atlanta (ABŞ), Çenqdu (Çin) və Mannheim (Almaniya) şəhərlərində istifadəyə veriləcək.
Onilliyin sonuna kimi avtomobil istehsalçısı qurğuların sayını 10 minə çatdırmaq niyyətindədir.
Markasından asılı olmayaraq istənilən elektrik avtomobilinin sahibləri stansiyalardan istifadə edə biləcəklər, çünki qurğular müxtəlif doldurma standartlarını - Tesla tərəfindən hazırlanmış Şimali Amerika standartını (NACS), birləşdirilmiş sistemləri (CCS1 və CCS2), eləcə də Çin Guobiao standartını (GB/T) əhatə edəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
