Uydurma deyil: gerçəkləşən 7 tarixi PROQNOZ

Tarixçilər, müxtəlif dövrlərdə fərqli şəxsiyyətlər tərəfindən edilən və dəqiq olduğu ortaya çıxan yeddi proqnoz hadisəsini açıqlayıblar.

Lent.az-ın xarici mətbuata istinadən xəbərinə görə, tarixdə gələcəyə dair çoxlu proqnozlar var, lakin onlardan yalnız bir neçəsi doğru çıxıb. Onların arasında müxtəlif dövrlərdə müxtəlif şəxsiyyətlər tərəfindən verilən proqnozların gerçəkləşdiyi yeddi hal önə çıxır.

Alekss de Tokvil və Soyuq müharibə proqnozu

1840-cı ildə ABŞ-a səfər edən fransız aristokrat Aleksis de Tokvil Amerika ilə Rusiya arasında gələcək qarşıdurmanın olacağını proqnozlaşdırdı. O, bu iki gücün bir gün dünyanın taleyini həll edəcəyini ehtimal edirdi. Bir əsrdən çox vaxt keçdikdən sonra onun proqnozu Soyuq müharibə şəklində gerçəkləşib.

Mark Tven və onun öz ölümü proqnozu

Böyük yazıçı Mark Tven 1835-ci ildə doğulduğu Halleya kometası ilə öləcəyini proqnozlaşdırıb. Və həqiqətən də, 1910-cu ildə, kometa görünəndən bir gün sonra Tven ölüb.

Nikola Tesla və Wi-Fi-ın yaranması

1900-cü illərin əvvəllərində ixtiraçı Nikola Tesla Wi-Fi və mobil telefonları xatırladan texnologiyaların meydana çıxacağını proqnozlaşdırıb. O, insanların uzun məsafələrdə anında ünsiyyət qura biləcəkləri bir gələcək haqqında danışıb və bu, onilliklər sonra reallığa çevrilib.

Ferdinand Foş və İkinci dünya müharibəsi

Fransız generalı Ferdinand Foş 1919-cu ildə Versal müqaviləsini imzaladıqdan sonra bunun sülh deyil, iyirmi illik barışıq olduğunu bəyan edib. Düz iki onillikdən sonra onun sözləri İkinci dünya müharibəsinin başlaması ilə təsdiqlənib.

Con Elfret Uotkins və fotoqrafiya texnologiyası

Amerikalı mühəndis Con Elfret Uotkins 1900-cü ildə şəkilləri məsafədən və rəngli şəkildə ötürməyə imkan verən foto texnologiyasının meydana çıxacağını proqnozlaşdırıb. Bir neçə onillikdən sonra bu ideya rəngli fotoqrafiya və televiziya verilişlərinin meydana çıxması ilə reallaşıb.

Robert Boyl və orqan transplantasiyası

17-ci əsrin ortalarında müasir kimyanın banilərindən olan alim Robert Boyl orqan transplantasiyasının mümkünlüyünü proqnozlaşdırıb. Onun proqnozu 300 il sonra, 1954-cü ildə ilk uğurlu böyrək transplantasiyası həyata keçirilən zaman gerçəkləşib.

Jül Vern və Aya eniş

Fransız yazıçısı Jül Vern 1865-ci ildə “Yerdən Aya” romanında Aya gələcək enişin təfərrüatlarını heyrətamiz dəqiqliklə proqnozlaşdırıb. O, “Apollon -11” missiyasının bir hissəsi kimi Floridadan raket buraxılışını, üç nəfərlik ekipajı və bir əsrdən çox vaxt sonra Yerə paraşütlə qayıdışını təsvir edib.