“Bu günə qədər keçirilən qəbul imtahanlarından sonra Tələbə Qəbulu üzrə Dövlət Komissiyasına (TDQK) daxil olan müraciətlərin böyük əksəriyyəti sorğu xarakterlidir”.
Lent.az-ın TQDK-nın rəsmi “Facebook” səhifəsinə istinadən verdiyi məlumata görə, bunu mətbuat xidmətinin rəhbəri Elnur Nağızadə bildirib.
Elnur Nağızadə qeyd edib ki, bu sorğuların əvvəlki illərlə müqayisədə həm azalıb, həm də təqdimolunma forması dəyişib. “Yəqin ki, bu, daha çox vətəndaşların informasiya texnologiyalarından istifadə imkanlarının artması ilə əlaqədardır. Bizə müraciətlər əsasən elektron formada daxil olur və burada TQDK-nın “Facebook” sosial şəbəkəsində fəaliyyət göstərən səhifəsi xüsusi yer tutur. Vətəndaşların müraciətləri oradan ən operativ şəkildə cavablandırılır”.
Elnur Nağızadə onlara daha çox abituriyentlərin topladıqları balla hansı universitetə və ya ixtisasa qəbul şansları, kolleclərə qəbul və digər bu kimi məzmunlu müraciətlərin daxil olduğunu bildirib.
Qeyd edək ki, bu günə kimi I, III və IV ixtisas qrupları üzrə qəbul imtahanları keçirilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
