Təhsil Nazirindən tapşırıq

Təhsil naziri Misir Mərdanov ali məktəblərdə bu il keçiriləcək beynəlxalq və respublika səviyyəli elmi konfrans və simpoziumların siyahısının təsdiqi haqqında əmr imzalayıb. Bu barədə Lent. az-a nazirlikdən məlumat verilib. Ali təhsil müəssisələrinin rəhbərlərinə tapşırılıb ki, 2013-cü ildə keçirilməsi nəzərdə tutulan müvafiq beynəlxalq və respublika səviyyəli elmi konfrans və simpoziumların keçirilməsini təmin etsinlər. Tələb olunan xərclər aidiyyəti ali təhsil müəssisələrinin vəsaiti hesabına ödənilsin. Nəticələr barədə məlumatlar Təhsil Nazirliyinə təqdim edilsin.

Qeyd edək ki, əmrin icrası təhsil nazirinin müavini Qulu Novruzova tapşırılıb.