Sosial Müdafiə Fondunun gəlirləri artıb
14 mart 2013 14:47 (UTC +04:00)

Sosial Müdafiə Fondunun gəlirləri artıb

2013-cü ilin yanvar-fevral aylarında Dövlət Sosial Müdafiə Fondunun gəlirləri 439, 6 mln. manat təşkil edib. Bu da cari ilin proqnoz göstəricisindən 15 mln. manat və ya 3, 5 faiz, 2012-ci ilin müvafiq dövrünə nisbətən isə 34, 4 mln. manat və ya 8,5 faiz çoxdur. Bu barədə Lent.az-a Fondun ictimaiyyətlə əlaqələr sektorundan məlumat verilib. Hesabat dövründə məcburi dövlət sosial sığorta haqları üzrə daxilolmalar proqnozdan 14.9 mln. manat və ya 7,8 faiz yuxarı olmaqla 2012-ci ilin müvafiq dövrünə nisbətən 16,1 faiz və ya 28,5 mln. manat artaraq 205 mln. manat təşkil edib. Məcburi dövlət sosial sığorta haqları üzrə daxilolmaların 63. 4 faizi və ya 130, 1 mln. manatı qeyri-büdcə sektorunun payına düşür. Həmin sektorun ödədiyi məcburi dövlət sosial sığorta haqlarının məbləği proqnoza nisbətən 21, 9 mln. manat və ya 20, 3 faiz, əvvəlki ilə nisbətən isə 19, 1 faiz və ya 20, 9 mln. manat yuxarı olub. Bu dövrdə sahibkarlıq fəaliyyəti ilə məşğul olan fiziki şəxslərin və torpaq pay mülkiyyətçilərinin sosial sığortaya cəlb edilməsi gücləndirilib. Nəticədə, əvvəlki ilin müvafiq dövrü ilə müqayisədə sahibkarlıq fəaliyyəti ilə məşğul olan fiziki şəxslərdən daxilolmalar 49, 5 faiz, torpaq pay mülkiyyətçilərindən daxilolmalar isə demək olar ki, 2 dəfə artıb. 
 

2013-cü ilin yanvar-fevral aylarında büdcədən maliyyələşən təşkilatlar üzrə daxilolmalar 75 mln. manat təşkil edib. Həmin təşkilatların ödədiyi məcburi dövlət sosial sığorta haqları əvvəlki ilin müvafiq dövrünə nisbətən 11.3 faiz və ya 7.6 mln. manat artıb. 

Daxilolmaların səviyyəsi pensiya və müavinətlərin vaxtında maliyyələşdirilməsinə imkan verib. 
2013-cü ilin yanvar-fevral aylarında DSMF-nin xərcləri 407,5 mln. manat olub. Hesabat dövründə pensiya və müavinətlərin maliyyələşdirilməsi üçün Fond tərəfindən 401, 93 mln. manat vəsait yönəldilib. Bu da əvvəlki ilin müvafiq dövrünə nisbətən 15.6 mln. manat və ya 4 faiz çoxdur. Pensiya xərcləri 2012-ci ilin müvafiq dövrünə nisbətən 3,8 faiz və ya 14,3 mln. manat artaraq 393.7 mln. manat təşkil edib. 

# 450
avatar

Oxşar yazılar

Məhkəmə Ələsgər Məmmədli  ilə bağlı qərar verdi

Məhkəmə Ələsgər Məmmədli ilə bağlı qərar verdi

24 may 2024 , 12:25
Sabah  güclü leysan   yağacaq - HAVA PROQNOZU

Sabah güclü leysan yağacaq - HAVA PROQNOZU

24 may 2024 , 12:15
Bu məktəblərin direktorlarına TÖHMƏT VERİLDİ

Bu məktəblərin direktorlarına TÖHMƏT VERİLDİ

24 may 2024 , 12:06
Bu illərdə doğulan bürclər yaxın  5 ildə pullanacaq

Bu illərdə doğulan bürclər yaxın 5 ildə pullanacaq

23 may 2024 , 18:56
Azərbaycanın tanınmış jurnalisti   vəfat etdi

Azərbaycanın tanınmış jurnalisti vəfat etdi

23 may 2024 , 17:02
Sumqayıtın bu ərazilərində SU KƏSİLƏCƏK

Sumqayıtın bu ərazilərində SU KƏSİLƏCƏK

23 may 2024 , 16:59
Bakıya güclü yağış yağacaq  - XƏBƏRDARLIQ

Bakıya güclü yağış yağacaq - XƏBƏRDARLIQ

23 may 2024 , 16:55
Hansı əməllər avtoxuliqanlıq  sayılır? - AÇIQLAMA

Hansı əməllər avtoxuliqanlıq sayılır? - AÇIQLAMA

23 may 2024 , 15:38