2013-cü ilin yanvar-fevral aylarında sənaye müəssisələri və bu sahədə
fəaliyyət göstərən fiziki şəxslər tərəfindən 5.7 milyard manatlıq və ya ötən ilin
müvafiq dövrü ilə müqayisədə 0.4 faiz az sənaye məhsulu istehsal olunub. Bu barədə Lent. az-a Dövlət Statistika Komitəsindən məlumat verilib. Məhsulun 4.3 milyard manatı və ya 75.3 faizi mədənçıxarma bölməsində istehsal olunub, 7.2 milyon ton neft və 2.9 milyard kub. metr əmtəəlik qaz hasil edilib.
Sənayenin emal bölməsində iki ay ərzində 1027.5 milyon manatlıq və ya 15.5
faiz çox sənaye məhsulu istehsal olunub. Qida məhsulları istehsalı 2.2
faiz, içki istehsalı 10.1 faiz, tütün məmulatları istehsalı 62.3 faiz, toxuculuq sənayesi
məhsulları istehsalı 0.4 faiz, dəri və dəri məmulatları, ayaqqabı istehsalı 2 dəfə,
kağız və karton istehsalı 5.2 faiz, poliqrafiya fəaliyyəti 87.9 faiz, neft məhsulları
istehsalı 20.5 faiz, kimya sənayesi məhsulları istehsalı 6.1 faiz, əczaçılıq məhsulları
istehsalı 2 dəfə, rezin və plastmas məmulatları istehsalı 13.5 faiz, tikinti materialları
istehsalı 55.2 faiz artıb.
Sənayenin qeyri-neft sektorunda məhsul istehsalı 3.9 faiz artıb, neft-qaz
sektorunda isə 1.4 faiz azalıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
