Əmək və əhalinin sosial müdafiəsi naziri Səlim Müslümovla UNİCEF-in Azərbaycan üzrə Nümayəndəliyinin rəhbəri Mark Herevard arasında görüş olub. Bu barədə Lent.az-a nazirlikdən məlumat verilib.
Görüşdə Səlim Müslümov sağlamlıq imkanları məhdud uşaqların yaşadığı sosial xidmət müəssisələrinin potensialının artırılması və onlarda xidmət sisteminin təkmilləşdirilməsində UNİCEF-lə əməkdaşlığın xüsusi önəmini qeyd edib.
Eyni zamanda, bir çox bölgələrdə yetkinlik yaşına çatmayan uşaqlar üçün sosial reabilitasiya mərkəzləri və sosial sığınacaqların yaradılacağının nəzərdə tutulduğu bildirilib. Nazir UNİCEF-in mütərəqqi dünya təcrübəsinə əsasən ekspertiza dəstəyinin ölkəmiz üçün önəmli ola biləcəyini deyib.
Mark Herevard UNİCEF-in nazirliklə əməkdaşlığının qeyd olunan sahələri də əhatə etməsi üçün səylərin göstəriləcəyini qeyd edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
