“Mirqasımov adına Respublika Klinik Xəstəxanasında dünyasını dəyişən Pərvinə Hüseynova ilə bağlı məsələ Doğuşa Yardım Komissiyası tərəfindən araşdırılır”. Bunu Lent.az-a açıqlamasında Səhiyyə Nazirliyinin mətbuat xidmətinin rəhbəri Anar Qədirli bildirib. Onun sözlərinə görə, Komissiya P. Hüseynovanın hamiləliyinin necə keçirdiyini, ölüm hadisəsində həkim səhvi olub-olmamağını araşdıracaq: “Araşdırmaların nəticələrini yaxın 2-3 həftə ərzində bəlli olacaq”.
Nazirlik sözçüsü onu da vurğulayıb ki, ana ölümləri ilə bağlı araşdırmaların nəticələri ilə bağlı ictimaiyyətə mütəmadi məlumatlar verilir.
Qeyd edək ki, 26 yaşlı gənc qadın Sumqayıtda 1 saylı doğum evindən ölümcül halda bir həftə əvvəl Respublika xəstəxanasına gətirilib. Onu da xatırladaq ki, P. Hüseynova tanınmış telejurnalist Afət Telmanqızının qardaşının həyat yoldaşıdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
