Nicat Dağlar: ”Sağalacağıma ümidim artıb” - AÇIQLAMA

Tanınmış jurnalist Nicat Dağlar Gürcüstandan Gəncəyə gətirilib. Bu barədə Lent.az-a jurnalistin özü məlumat verib. Onun sözlərinə görə, dünən gecə və səhər səhhətində bir az problem olub. Amma həkimlərin müdaxiləsindən sonra vəziyyəti stabilləşib: “Bu vəziyyətdə yola çıxmaq çətin olsa da, biz qayıtdıq. Yolu çox çətin vəziyyətdə gəlmişəm. Amma sağ olsunlar, demək olar ki, bütün yol boyu bir saatdan bir Prezident Adminstrasiyasının əməkdaşları zəng edib mənimlə maraqlanıblar. Hətta əlavə nəqliyyat da təklif etdilər. Artıq Gəncədəyəm. Gəncə şəhər İcra Hakimiyyəti, Gəncə şəhər Səhiyyə İdarəsinin nümayəndələri mənimlə əlaqə saxlayıblar. Gəncədə məni müayinə etmək üçün Bakıdan hemotoloq göndərilib. Hazırda çox qan itirdiyimə və uzaq yol gəldiyimə görə, özümü çox halsız hiss edirəm. Özümü bir az toparlayıb müayinə olunacam. İki gün sonra Bakıya gələcəyik. Oradan da prezidentin göstərişi ilə lazımı ölkəyə müalicəyə göndəriləcəm. Xəstəliyi təzə eşidən vaxtlar özümdə ruh düşkünlüyü hiss edirdim. Amma dünən prezidentin mənə diqqətini görüb ümidim artdı. İnşallah, yaxşı olacam. Buna görə dövlət başçısına minnətdaram”.