Nazirlikdən əkinçilərə xəbərdarlıq
16 aprel 2013 14:04 (UTC +04:00)

Nazirlikdən əkinçilərə xəbərdarlıq

Ekologiya və Təbii Sərvətlər Nazirliyi Milli Hidrometeorologiya Departamenti aprelin 17-nə olan hava məlumatını açıqlayıb. Departamentdən Lent.az-a verilən məlumata görə, Bakıda və Abşeron yarımadasında
Aprelin 17-də buludlu hava şəraitinin üstünlük təşkil edəcəyi, arabir yağış yağacağı gözlənilir. Arabir güclənən şimal küləyi əsəcək.
Havanın temperaturunun gecə 4-8, gündüz 8-13 dərəcə isti olacağı gözlənilir.
Azərbaycanın rayonlarında aprelin 17-də arabir yağış yağacağı, yüksək dağlıq ərazilərdə qara keçəcəyi ehtimal olunur. Şərq küləyi əsəcək, arabir güclənəcək.
Havanın temperaturunun gecə 5-10, gündüz 10-15 dərəcə isti, dağlarda gecə 3 dərəcə şaxtadan 2 dərəcəyədək isti, yüksək dağlıq ərazilərdə 5-10 dərəcə şaxta, gündüz 2-5 dərəcə isti olacağı gözlənilir.

Aprelin 19-dək hava şəraitinin qeyri-sabit olacağı, leysan xarakterli yağışların yağacağı və temperatur rejiminin enəcəyi gözlənilir. Bu da əksər kənd təsərrüfatı əkinlərində inkişafın sürətini nisbətən azalda, çiçəklənən meyvə ağaclarında isə güllərin tökülməsinə səbəb ola bilər. Belə hava şəraiti aran rayonlarda çiyidin, dağətəyi rayonlarda isə qarğıdalının əkinini qısa müddətə gecikdirəcək. Lakin yağıntılar torpağın nəmlənməsini yaxşılaşdıracaq və otların boy atması üçün müsbət təsir göstərəcək.

# 815
avatar

Oxşar yazılar