Bu ilin altı ayı ərzində Azərbaycana gələn turistlərin sayı 9,4 faiz artıb. Lent.az-ın məlumatına görə, bunu mədəniyyət və turizm naziri Əbülfəs Qarayev “27 sentyabrı – Ümumdünya Turizm günü” konfransında deyib. O, bildirib ki, yarım il müddətində Azərbaycan 1 milyon 196 min turist qəbul edib. Bundan başqa nazir deyib ki, bu il İrandan ölkəmizə gələn turistlərin sayı 8 % azalıb. O, bunu İrandakı keçid dövrü ilə əlaqələndirib: “ Bu, sadəcə maraqların tənzimlənməsidir. Biz düşünürük ki, qonşu ölkələr bizim prioritet istiqamətlərimizdir ”.
İran ilə Azərbaycan arasında viza sisteminin ləğv edilməsi ilə bağlı jurnalistlərin sualını nazir belə cavablandırıb: “Siz bilirsiniz ki, İran keçid dövrü yaşadı. Yeni rəhbərlik, yeni struktur formalaşdı. Biz tərəfdən imzalanan müqavilələrə sadiq qalaraq yeni danışıqlar aparılacaq”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
