“Qeysəriyyə əməliyyatı barədə Milli Məclisin qəbul etdiyi qaydalar vaxtında atılmış bir addımdır. Bu qaydalara əsasən, cərimə sanksiyaları nəzərdə tutulub və tibbi göstəriş olmadan qeysəriyyə əməliyyatını həyata keçirəcək həkimlər və tibb müəssisələri cəzalandırılacaqlar”.
APA-nın xəbərinə görə, bunu jurnalistlərə açıqlamasında səhiyyə nazirinin müavini Elsevər Ağayev deyib.
O bildirib ki, dövlət müəssisələri ilə yanaşı, özəl tibb müəssisələrində də müxtəlif tibbi prosedurların həyata keçirilməsi üçün hər bir şərait yaradılıb: “Azərbaycanda 500-ə qədər tibb müəssisələrinə fəaliyyət göstərmək üçün lisenziya verilib. Səhiyyə Nazirliyi bütün tibb müəssisələrinə lazımi nəzarət etsə də, yayınma halları da müşahidə olunur ki, Milli Məclis tərəfindən qəbul edilən qanunvericilik aktları bu problemlərin aradan qaldırılmasına kömək edəcək”.
E.Ağayev vurğulayıb ki, dünyada qəbul olunmuş standartlara əsasən doğuşların 16%-nin qeysəriyyə əməliyyatları ilə aparılmasına icazə verilir: “Amma təəssüflər olsun ki, bundan bir qədər sui-istifadə halları artıb. Doğuşa gələn insanların əksəriyyəti qeysəriyyə əməliyyatlarına üstünlük verir”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
