Moskva Dövlət Beynəlxalq Əlaqələr Universitetində (MDBƏU) Azərbaycan vətəndaşlarına 3 yer ayrılıb. Bu barədə Lent.az-a Tələbə Qəbulu üzrə Dövlət Komissiyasının mətbuat xidmətindən məlumat verilib. İmtahanda iştirak etmək istəyənlərin qeydiyyatı artıq başa çatıb. MDBƏU-də təhsil almaq istəyənlər iki mərhələdən keçəcəklər.
Birinci mərhələdə abituriyentlər öz seçimləri ilə test imtahanında iştirak edəcəklər. Test imtahanında bölməsindən asılı olmayaraq abituriyentlərə tapşırıqlar rus dilində təqdim olunacaq. Abituriyentlər xarici dil fənni kimi yalnız ingilis dilini seçə bilərlər. Test imtahanı mayın 29-da keçiriləcək. İmtahanda 500 və daha çox bal toplayan abituriyentlər müsahibəyə buraxılacaq. Müsahibədə ən yüksək nəticə göstərən 3 şəxsin namizədliyi MDBƏU-yə ödənişsiz təhsil alması üçün təqdim olunacaq.
İkinci mərhələ iyunun 27-də Moskvada olacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
