Noyabrın 6-da 17-dək Mingəçevir və Yevlax sakinləri Səyyar “ASAN Xidmət”dən Mingəçevir şəhərində yararlana biləcəklər. Lent.az-ın məlumatına görə, xidmətlər Ədliyyə, Daxili İşlər Nazirliyi, Dövlət Torpaq və Xəritəçəkmə Komitəsi, Dövlət Sosial Müdafiə Fondu və Əmlak Məsələləri Dövlət Komitəsi tərəfindən göstərilir.
“ASAN” mingəçevirlilərə notariat fəaliyyəti, şəxsiyyət vəsiqəsi, ümumvətəndaş pasportlarının verilməsi, sürücülük vəsiqələrinin dəyişdirilməsi, əmək pensiyalarının təyin edilməsi və başqa sahələrdə xidmət göstərəcək.
Qeyd edək ki, Səyyar “ASAN Xidmət”in həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin edilməsidir. İndiyədək bu xidmət çərçivəsində 18 məntəqədə 32 rayonun sakinlərinə müvafiq dövlət orqanlarının xidmətləri göstərilib. Ümumilikdə, 22 məntəqədə 41 rayonun sakininə Səyyar “ASAN Xidmət” in göstərilməsi planlaşdırılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
