Mikayıl Cabbarov rus və ingilis dillərinə dair əmr verdi

Təhsil naziri Mikayıl Cabbarov “İngilis dilinin intensiv tədrisi üzrə layihənin əhatə dairəsinin genişləndirilməsi” və “Rus dilinin intensiv tədrisi üzrə layihənin davam etdirilməsi” barəsində əmrlər imzalayıb. Lent.az-ın məlumatına görə, əmrə əsasən, 2013-2014-cü tədris ilində ölkə üzrə 50 pilot məktəbdə “İngilis dilinin intensiv tədrisi üzrə layihənin əhatə dairəsinin genişləndirilməsi” layihəsinin həyata keçirilməsi qərara alınıb.

Əmrdə, həmçinin Gəncə şəhər xarici dillər təmayüllü gimnaziya və şəhər 4 nömrəli tam orta, Mingəçevir şəhər 3 və 4, Sumqayıt “Təfəkkür” liseyi və şəhər 23, Şirvan şəhər 9 və 21, Quba şəhər 3 və 4, Qusar şəhər 2 və 6, Xaçmaz şəhər 1 və 8, Şamaxı Avropa liseyi və 2, İsmayıllı şəhər 3 və 5, Şəki şəhər 8 və 10, Qəbələ şəhər 3 və 1, Zaqatala şəhər 2 və akademik Zərifə Əliyeva adına texniki fənlər təmayüllü lisey, Lənkəran şəhər 4 və xarici dillər təmayüllü gimnaziya, Yevlax şəhər 5 və 9, Salyan şəhər 1 və 7 nömrəli tam orta məktəblərin I siniflərində layihənin tətbiqinə başlanılması qeyd olunub. Dərs ili ərzində 520 nəfər ingilis dili müəlliminin müvafiq təlimlərdə iştirakının təmin olunması, pilot məktəblərin dərslik və dərs vəsaitləri ilə təmin edilməsi məsələləri də əmrdə əksini tapıb.

İkinci əmrə əsasən, 2013-2014-cü dərs ilində Bakı şəhərinin 3, 12, 13, 20, 36, 42, 45, 51, 63, 70, 95, 106, 129, 178, 193, 212, 238, 244, 245, 246, 274, 250, 257, 263, 265, 272, 275, 276, 278, 283, 284, 286, 292, 295 nömrəli məktəbləri və Bağça–Məktəb-Lisey Kompleksinin, Gəncə şəhəri 5, Mingəçevir şəhəri texniki-humanitar liseyi, Sumqayıt şəhəri 11, Şirvan şəhəri 3, Abşeron rayonu 2, İsmayıllı rayonu Talıstan kənd, Şəki rayonu 5, Şamaxı rayonu 6, Zaqatala rayonu Əlibayramlı kənd, Tovuz rayonu Ağbulaq kənd, Quba rayonu Əliməmmədoba kənd, Qusar rayonu Ləcət kənd, Masallı rayonu 2 nömrəli, Lənkəran rayonu Havzava kənd, Saatlı rayonu Məmmədabad kənd tam orta məktəblərin I-IV və V-IX siniflərində rus dilinin intensiv tədrisi üzrə Təhsil Nazirliyinin layihəsinin davam etdirilməsi nəzərdə tutulub.