Masallıda ənənəvi cıdır yarışları keçirilib. APA TV-nin cənub bürosunun məlumatına görə, rayonun Xırmandalı kəndindəki cıdırda təşkil olunan yarışlarda Masallı ilə yanaşı, Cəlilabad və Neftçala rayonlarından 150-dək çapar məharətini nümayiş etdirib.
Yarış başlanan anlardan üstünlüyə daha çox “Cerri”, “Mustanq”, “Kəhər” ləqəbli atlar yiyələnib.
Münsiflər heyətinin üzvü Ramil Məmmədov Masallıda at yarışlarının artıq ənənəyə çevrildiyini, gənclərdə bu idman növünə olan marağın ildən-ilə artdığını bildirib.
Bir neçə saat davam edən yarışmada ötən ilin qalibi olmuş Masallı rayonunun nümayəndəsi Elnur İsmayılov “Cerri” adlı atı ilə yenə də finişə birinci çatıb.
Qalib çapara təşkilat komitəsi tərəfindən pul mükafatı təqdim olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
