İsa Həbibbəyli: “AMEA-nın idarəetmə sistemində dəyişikliklər davam edəcək”

Azərbaycan Milli Elmlər Akademiyasında (AMEA) yeni şöbələr yaradılıb. Lent.az-ın məlumatına görə, bunu jurnalistlərə açıqlamasında AMEA-nın vitse-prezidenti İsa Həbibbəyli deyib: “AMEA islahatlar dövrünün başlanğıc mərhələsini yaşayır. Artıq Akademiyada struktur islahatları başlayıb. Yeni dövrün idarəetmə sisteminə uyğun innovasiya, analitik şöbələri yaradılıb. Bu proseslərə yalnız Akademiyada yeni şöbələrin yaradılması kimi baxmaq lazım deyil. AMEA-da idarəetmə sistemi dəyişir. Bu, elmin inkişafına kömək olacaq. Akademiyada idarəetmə sistemində dəyişikliklər daha sonra da davam edəcək. Hazırda bununla bağlı konkret plan hazırlanır”.