2013-cü ilin ilk iki ayında ölkə əhalisinin hər bir nəfərinin gəliri orta
hesabla 4.4 faiz artaraq 517.6 manata çatıb. Bu barədə Lent. az-a Dövlət Statistika Komitəsindən məlumat verilib. Gəlirlərin 72.2 faizi son istehlaka, 10.0 faizi vergilər, sosial sığorta və könüllü üzvlük haqlarının ödənilməsinə, 15.8 faizi isə əmanətlərin və kapitalın artırılmasına sərf edilib.
Yanvar ayı ərzində muzdla işləyənlərin orta aylıq əmək haqqı
2012-ci ilin müvafiq dövründə olduğu ilə müqayisədə 8.1 faiz artaraq 398.1 manat
təşkil edib.
Gəlirlərin artması ilə yanaşı əhalinin istehlak mallarına olan tələbatı da yüksəlir
və bu onların istehlak bazarından aldıqları əmtəənin həcminin durmadan artmasında
özünü büruzə verir. İki ay ərzində əhali istehlak bazarından 2847.5 milyon manatlıq
istehlak malları alıb və göstərilmiş xidmətlərin müqabilində 943.4 milyon manat
ödəyiblər. 2012-ci ilin yanvar-fevral ayları ilə müqayisədə əmtəə dövriyyəsi 8.8 faiz,
o cümlədən ərzaq məhsullarının satışı 2.1 faiz, qeyri-ərzaq mallarının satışı 18.6 faiz,
pullu xidmətlərin həcmi 7.2 faiz artıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
