Ali təhsil müəssisələrində dövlət hesabına 51737 nəfər tələbə təhsil alır. Bu barədə Lent. az-a Təhsil Nazirliyindən məlumat verilib.
Dövlət sifarişi ilə bakalavriat səviyyəsinin I, II və III kurslarında və magistratura səviyyəsində təhsil alan tələbələrin 2013-cü il üçün təqaüd xərci 21,700,307 manat təşkil edib. Eyni zamanda Təhsil Nazirliyinin birbaşa tabeliyində olan ali təhsil müəssisələrinin IV kursunda dövlət hesabına təhsil alan tələbələrin 2013-cü il üçün təqaüd xərci 2,675,944 manat olub.
Nazirlikdən verilən məlumatda o da qeyd olunur ki, ali təhsil müəssisələrində təhsil alan tələbələrə verilən təqaüdlərin məbləği prezidentin sərəncamlarına uyğun tənzimlənir. Ən yüksək təqaüd magistraturada oxuyan, əla qiymət alan tələbələrə (93. 50 manat) verilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
