“Hər il magistraturaya qəbul planı 10-15 faiz artır. Builki qəbul planı bizə təqdim olunmayıb. Martın sonu, aprelin əvvəlində qəbul planı bizə təqdim edilməlidir”.
Lent.az-ın məlumatına görə, bunu keçirdiyi mətbuat konfransında Tələbə Qəbulu üzrə Dövlət Komissiyasının müdiri Natiq Əliyev bildirib. TQDK rəsmisi qeyd edib ki, “Magistr” jurnalının 3-cü sayında magistraturaya qəbul proqramı və ixtisaslar barədə məlumat veriləcək.
Magistraturaya keçid ballarına gəldikdə isə N. Əliyev qeyd edib ki, adətən hər il magistratura pilləsi üzrə humanitar ixtisaslar üzrə ən yüksək, ən aşağı bal isə idman, hərbi və kənd təsərrüfatı ixtisasları üzrə olub. “Bu ildə keçid ballarının bu cür olması gözlənilir” - deyə, şöbə müdiri əlavə edib.
Qeyd edək ki, bu gün TQDK-da “Magistr 2” jurnalının təqdimatı keçirilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
