“İnsan kapitalı ön plana çəkilməlidir”

“Prezident İlham Əliyevin təsdiq etdiyi “Azərbaycan 2020: gələcəyə baxış” İnkişaf Konsepsiyasında təhsilin bütün istiqamətləri üzrə inkişaf perspektivləri öz əksini tapıb”. Lent.az-ın məlumatına görə, bunu Tələbə Qəbulu üzrə Dövlət Komissiyasının sədri Məleykə Abbaszadə TQDK-da keçirilən tədbirdə bildirib. Komissiya sədri qeyd edib ki, təhsildə keyfiyyətin yüksəldilməsi üçün yeni konsepsiyada stimullaşdırıcı mexanizmlərin yaradılması, ölkədə 12 illik təhsilə keçid nəzərdə tutulub: “Bundan irəli gələrək təhsil proqramlarının dəyişilməsi, dərsliklərin müasir tələblər baxımından yüksəldilməsi, tədrisi ləngidən mövcud yaddaş məktəbindən təfəkkür məktəbinə keçid üçün xüsusi işlərin görülməsi yeni konsepsiyada əks olunub. Bunun üçün ölkədə ənənəvi iqtisadiyyatları bilik iqtisadiyyatına keçidin əsası qoyulmalı və önəmli olan insan kapitalın adekvat olaraq ön plana çəkilməlidir. İnanıram ki, artıq 10 ildən sonra qarşıya qoyulan məqsədlərin bir çoxu əldə ediləcək ”.