Azərbaycanda az yaşlı uşaqların, xüsusilə də az yaşlı qız uşaqlarının məcburi əməyə cəlb olunmasına qarşı sərt mübarizələrə tədbirlərə başlanacaq. Lent.az-ın məlumatına görə, bunu Milli Məclisin bu gün keçirilən iclasında İnsan alverinə qarşı mübarizə üzrə Milli Koordinator, daxili işlər nazirinin birinci müavini, general-leytenant Vilayət Eyvazov deputat Elmira Axundovanın tutduğu irada cavab olaraq bildirib.
O, bu məsələyə ciddi nəzarətin olmadığını etiraf edib: “Elmira xanımın dediyi kimi, bu sahədə problemlərin olması ilə razılaşırıq. Ola bilsin, bu məsələ tam nəzərimizdə olmayıb. Amma buradan elan edirəm ki, bu gündən etibarən Azərbaycanda az yaşlı qızların, ümumiyyətlə, az yaşlı uşaqların məcburi əməyə cəlb olunmasına qarşı mübarizədə ciddi tədbirlərə başlanacaq”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
