“Azadlıq” qəzeti daxili işlər naziri Ramil Usubov və fövqəladə hallar naziri Kəmaləddin Heydərovdan üzr istəyib.
Lent.az-ın məlumatına görə, bu barədə “Azadlıq” qəzetinin 12 mart tarixli sayında təkzib dərc edilib. Təkzibdə deyilir ki, "Azadıq qəzeti"nin 1 mart sayında “Ramil Usubov Kəmaləddin Heydərova qəzəblənib” yazısında qeyri-dəqiq ifadələrə yol verilib və nəticədə həqiqətə uyğun olmayan bir sıra məqamlar yer alıb: “Bunu nəzərə alaraq yazını təkzib edir, oxuculardan və adı çəkilən məmurlardan üzrxahlıq edirik”.
Xatırladaq ki, bir qədər əvvəl Ramil Usubov və Kəmaləddin Heydərov “Azadlıq” qəzetinin baş redaktoru Qənimət Zahidi məhkəməyə veriblər. Nazirlər “Ramil Usubov Kəmaləddin Heydərova qəzəblənib” yazısına görə baş redaktorun Cinayət Məcəlləsinin 147-ci maddəsi (Böhtan) ilə məsuliyyətə cəlb olunmasını istəyiblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
