® Azərbaycan Universitetinin dil hazırlığı müəllimləri üçün CELTA təlimləri keçirilb

Azərbaycan Universitetində tələbələrin ingilis dili hazırlığını həyata keçirən müəllimlər üçün CELTA (Certificate in English Language Teaching to Adults) - beynəlxalq sertifikasiya proqramı təlimləri keçirilib. Təlimləri başa vurub sertifikat alan müəllimlər dünyanın istənilən nöqtəsində ingilis dilini tədris edə biləcəklər.

Karyera sahəsində böyük perspektiv və üstünlüklərə sahib olan CELTA, beynəlxalq səviyyədə tanınır, müəllimlərin peşəkar inkişafına kömək edir və ingilis dili müəllimliyi sahəsində dünyanın başqa ölkələrində də iş tapmaq imkanlarını genişləndirir.

Müəllimlər həm təlim öncəsi, həm də təlim zamanı ciddi hazırlıq mərhələsindən keçiblər. Bir aylıq intensiv təlimlərdə iştirak edən müəllimlərin performansı Cambridge English tərəfindən sertifikatlaşdırılacaq.

Qeyd edək ki, CELTA sertifikatlı müəllimlər Azərbaycan Universitetində Dünya iqtisadiyyatı, Mühasibat uçotu və audit, Maliyyə, Menecment və Marketinq ixtisasları üzrə ingilisdilli proqramlara qəbul olan tələbələrin dil hazırlığını həyata keçirəcək. Qeyd olunan ixtisaslara qəbul olan tələbələr dil bacarıqlarına görə qruplaşdırılacaq. İngilis dili proqramının (İDP) əsas məqsədi tələbələrin ingilis dili üzrə həm yazılı, həm də şifahi bilik və bacarıqlarının təkmilləşdirilməsi, bu sahədə oxu, yazı, dinləmə və danışıq qabiliyyətlərinin inkişafının təmin edilməsidir.

Abituriyentlər daha ətraflı məlumat üçün Azərbaycan Universitetinin Abituriyent Məlumat Mərkəzinə müraciət edə, www.au.edu.az saytına yaxud universitetin rəsmi facebook səhifəsinə www.facebook.com/AzerbaycanUnv daxil ola bilərlər.

Tel: (00994 12) 434 76 89/90/91/92/93/94

Mobil: (00994) 55 233 69 22

E-poçt: [email protected]

Universitet seçmək, həm də gələcəyi seçməkdir.

Azərbaycan Universiteti

Gələcəyini bu gün seç!