Ötən il ərzində özəl məktəbəqədər təhsil müəssisələrinin nizamnamələrinin dövlət
qeydiyyatına alınması ilə bağlı 13 özəl uşaq bağçasına rəy verilib. Bu barədə Lent. az-a Təhsil Nazirliyinin mətbuat xidmətindən məlumat verilib. Cari ildə müxtəlif məsələlərlə bağlı vətəndaşların 46 ərizə və şikayətlərinə, ayrı-ayrı təşkilatlardan daxil olmuş 41 məktuba baxılıb, müvafiq cavablar verilib.
Hazırda ölkədə 113517 uşağın tərbiyə aldığı 1666 məktəbəqədər təhsil müəssisəsi fəaliyyət göstərir. Sağlamlıq imkanları məhdud olan uşaqlar üçün 4 xüsusi uşaq bağçası, ümumi təyinatlı 13 müəssisədə 22 xüsusi qrup fəaliyyət göstərir. Bununla yanaşı, 4 sanitar tipli məktəbəqədər təhsil müəssisəsi də mövcuddur. Hazırda ölkədə Təhsil Nazirliyi tərəfindən lisenziya almış 44 özəl məktəbəqədər təhsil müəssisəsi fəaliyyət göstərir. Bu müəssisələrdə 1900 uşaq təlim-tərbiyə alır. Ölkə üzrə uşaqların məktəbəqədər təhsillə əhatə səviyyəsi hazırda 16%-dir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
