"Yanğınlarla mübarizəmiz davam edir. Bu mübariz çərçivəsində bizə dünyanın hər tərəfindən yardımlar edilir. Amma ən önəmli yardımı dost və qardaş Azərbaycandan aldıq".
APA-nın Türkiyəyə ezam olunan müxbiri xəbər verir ki, bunu Türkiyənin Kənd və meşə təsərrüfatı naziri Bekir Pakdemirli deyib.
O bildirib ki, Azərbaycan tərəfindən 900 nəfərdən çox şəxsi heyət, 90-dan çox nəqliyyat vasitələri hazırda Muğladakı yanğınlarla bağlı dəstək verir: "Çox təşəkkür edirəm. Bir sıra çətin tapşırıqlarda yanğınsöndürən qardaşlarımız çiyin-çiyinə işlədilər. Mən onların əzmini gözlərinin içində də gördüm. Hansı tapşırığı vermək istəsək, dedilər ki, biz bura oturmağa yox, yardım etməyə gəldik. Mən bütün azərbaycanlı qardaşlarıma təşəkkür edirəm. Onları burada görməkdən şad oldum”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
