Mütəxəssislər analiz aparıb və belə qənaətə gəliblər ki, sürücülər üçün ən gərgin gün cümə günüdür.
Lent.az xəbər verir ki, hətta qarşıdakı istirahət günləri ilə assosiasiya olunmasına baxmayaraq, məhz bu gün sürücülər daha çox əsəbiləşir və aqressiya göstərirlər. Səbəblər arasında iş həftəsinin sonuna yaxın yığılan yorğunluq, iri şəhərlərdəki tıxaclar və insanların görüşlərə yaxud evə tələsərkən itirilmiş vaxtı kompensasiya etmək istəyi göstərilir.
Mütəxəssislər vurğulayıblar ki, cümə günü hərəkət xüsusiyyətlərini başa düşmək stressi azaltmağa kömək edə bilər. Onlar səfərləri əvvəlcədən planlaşdırmağı, yola əlavə vaxt ayırmağı və tıxaclarda belə sakitliyi qorumağı məsləhət görürlər. Onların fikrincə, səbir və soyuqqanlılıq yollarda təhlükəsizliyi əhəmiyyətli dərəcədə artıra bilər.
Tədqiqat həmçinin göstərib ki, aqressiv davranışa ən çox səbəb olan amillər qəfil zolaq dəyişməsi, orta zolaqda ləng hərəkət edən avtomobillər, eləcə də digər sürücülərin söyüş işlətməsi və təhqiredici jestləridir. Adi günlərdə belə hallar diqqətdən kənarda qala bilər, lakin cümə günləri onlar ciddi münaqişəyə çevrilə bilər.
Təhlükəli vəziyyətlərdən yayınmaq üçün mütəxəssislər təhlükəsiz məsafə saxlamağı, digər hərəkət iştirakçılarını təhrik etməməyi və mümkün olduqda pik saatlardan qaçmağı tövsiyə edirlər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
