Şampun və sabunlarda xərçəngə səbəb olan təhlükəli maddə AŞKARLANDI

Yeni bir araşdırma, bir çox məşhur şəxsi gigiyena vasitələrinin təhlükəli kanserogen maddə - formaldehid ehtiva etdiyini ortaya çıxardı.

Bu barədə Lent.az məlumat verir:

Gigiyenik vasitələrin tərkibində nələr gizlənir?

Formaldehid potensial olaraq kanserogen (xərçəngə səbəb ola bilən) maddə kimi tanınır. Buna baxmayaraq, gözəllik sənayesində hələ də istifadə olunmağa davam edir - ya birbaşa şəkildə, ya da "formaldehid ayran" qoruyucu maddələr vasitəsilə.

Bu qoruyucular məhsulların istifadə müddətini uzatmaq üçün əlavə olunur. Boston Universitetinin alimləri 1000-dən çox şəxsi qulluq məhsulunun tərkibini araşdıraraq müəyyən ediblər ki, formaldehid təkcə şampun və duş gellərində deyil, hətta süni kiprik yapışdırıcısı və bədən losyonlarında da mövcuddur.

Araşdırmada xüsusilə afro və latınamerikalı qadınlarla bağlı məlumatlar narahatlıq doğurub: tədqiqatda mütəmadi olaraq saç üçün losyonlardan istifadə edən qadınların uşaqlıq xərçəngi inkişaf etdirmə riski bu vasitələrdən demək olar ki, istifadə etməyənlərə nisbətən 50 faiz daha yüksək olub. Bu barədə araşdırmanın baş müəllifi Robin Dodson bildirib.

Kimyəvi maddələrin təsiri necə araşdırılıb?

Tədqiqat zamanı iştirakçılar bir həftə ərzində istifadə etdikləri məhsulları qeyd edib, tərkibini göstərən qabların şəkillərini alimlərlə bölüşüblər. Alimlər 1100-dən çox məhsulu analiz edərək, formaldehid ayran maddələrin olub-olmadığını yoxlayıblar. Nəticədə iştirakçıların yarıdan çoxu tərkibində formaldehid buraxan maddə olan ən azı bir məhsuldan istifadə etdiklərini göstəriblər.

Ən çox narahatlıq doğuran komponent hansıdır?

Formaldehidin ən çox rast gəlinən mənbəyi DMDM-hidantoin adlı qoruyucu maddə olub. Bu maddə saç üçün nəzərdə tutulan vasitələrin təxminən 58 faizində, kremlər və losyonların isə 47 faizində aşkar edilib.