“Meta”nın qurucusu Mark Zukerberq, Palo-Alto şəhərindəki sakit məhəlləsini demək olar ki, “məhv edərək” qızları üçün qeyri-qanuni özəl məktəb tikdirib.
Lent.az xarici mediaya istinadla xəbər verir ki, bu, “Bicken Ben” məktəbindəki adi bir təhsil ocağından daha artıq bir şeydir - il boyu davam edən tam bir təhsil kompleksi kimi fəaliyyət göstərir.
İroniya ondadır ki, məktəb Zukerberq ailəsinin ev heyvanı olan toyuqlarından birinin şərəfinə Bicken Ben Məktəbi adlandırılıb.
Tikinti 2022-ci ilin oktyabrında başlayıb və bu müddət ərzində tikinti işləri intensiv şəkildə aparılıb. Məktəbin rəsmi saytında isə orta məktəbin açılması planlarının da yer aldığı vakansiyalar dərc olunub.
Yaşayış zonasına özəl məktəb açmaq üçün şəhər hakimiyyətindən xüsusi icazə alınmalıdır, lakin Zukerberq belə bir icazə almayıb.
Məhəllə sakinləri səs-küydən, evlərin sökülməsindən və bitməyən tikinti işlərindən şikayət ediblər. Rəsmilər isə vəziyyəti araşdırmağa cəhd göstərərkən, milyarderin komandası tərəfindən təzyiqlə üzləşdikləri barədə şayiələr yayılıb.
Açıq-aşkar qanun pozuntularına baxmayaraq, məktəb fəaliyyətini davam etdirib və Mark Zukerberq görünür, qonşuların narazılığını və yerli qanunların pozulmasını qeyri-adi hal hesab etmir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
