Rumıniyada dörd gün ərzində xəstəxanada 17 xəstə dünyasını dəyişdikdən sonra başladılan istintaq çərçivəsində iki qadın həkim qətldə şübhəli bilinərək saxlanılıb.
Lent.az xəbər verir ki, Rumıniyanın paytaxtı Buxarestdəki “Sfantul Pantelimon” xəstəxanasının reanimasiya şöbəsində dörd gün ərzində 17 xəstənin ölümündən sonra xəstəxana işçisinin xəbəri ilə araşdırma başladılıb.
İstintaq çərçivəsində xəstəxananın reanimasiya şöbəsində 54 yaşlı xəstəyə ağır vəziyyətdə verilən noradrenalinin dozasını azaltmaqla onun ölümünə səbəb olmaqda şübhəli bilinən iki qadın həkim saxlanılıb. Prokurorluq tərəfindən araşdırma davam edir.
Qeyd edək ki, Avropa İttifaqının ən zəif inkişaf etmiş səhiyyə sistemlərindən birinə sahib olan Rumıniyada dövlət son 30 ildə yalnız bir xəstəxana tikdiyi və Avropada səhiyyəyə ən az büdcə ayırdığı üçün tənqid edilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
