Buraxılış imtahanları başlayır - Abituriyentlə imtahana neçə nəfər gedə bilər?
08 iyun 2020 13:50 (UTC +04:00)

Buraxılış imtahanları başlayır - Abituriyentlə imtahana neçə nəfər gedə bilər?

9-cu və 11-ci siniflər üçün buraxılış imtahanları ötən həftənin sonuna nəzərdə tutulsa da, sərtləşdirilimiş karantin rejimi səbəbindən bu həftə arasına salındı. İyunun 10 və 11-də keçirilməsi nəzərdə tutulan imtahanlarda şagirdlərə hansı qaydalara əməl etmək tövsiyə olunur? Xüsusilə, pandemiya dövründə imtahanlara şagirdlərin ailə üzvlərindən bir neçəsi ilə birlikdə getməsi doğrudurmu?

Təhsil eksperti Kamran Əsədov Lent.az-a mövzu ilə bağlı açıqlamsında bildirib ki, şagirdlər gigyenik qaydalara mütləq əməl etməlidirılər: “İlk növbədə bütün şagirdlər digər imtahan iştirakçısı ilə arasında sosial məsafəni (2 metr) qorumalıdır. Şagirdlərə tövsiyə edirəm ki, imtahan ləvazimatlarını (qələm, karandaş və s.) ortaq istifadə etməsinlər. Hər bir şəxsin imtahan mərkəzində tibbi maskadan istifadəsinin məcburi olduğunu nəzərə alsaq, şagirdlər maska ilə gəlməlidir ki, sonra girişdə problem yaşanmasın”.

Psixoloq Taryel Faziloğlu isə bildirib ki, istər şagirdlərin, istərsə də abituriyentlərin yanında imtahana bütün ailənin getməsi düzgün deyil: “İmtahana ailənin bir neçə üzvü ilə gedilməsi doğru olmasa da, Azərbaycan insanı gedir.  Bunun qarşısını almaq olmaz. Bu reallıq kütləvi psixoz vəziyyətdən qaynaqlanır. Emosional təfəkkür hakimiyyəti ələ alır, məntiq ortadan qalxır. Nəticədə insan özünü rahat hiss etmək üçün gedib orada durur. Ona elə gəlir ki, özü orada olsa, övladı daha rahat yazacaq və daha yaxşı imtahan verəcək. Orada olmasa isə övladı özünü təhlükədə hiss edəcək və sualları yaxşı yaza bilməyəcək. Ona görə də bu problem var. İmtahana gedəni ailəlikcə, nəsillikcə gözləmək bir mərasim, bir adətdir. Bir anda bunu insanların beynindən silmək olmaz. Əslində, psixoloji olaraq ora getməsinin heç məntiqi əsası yoxdur və getməsinə də gərək yoxdur”.

# 17314
avatar

Aygün İbrahimli

Oxşar yazılar