“Hazırda qeydiyyatda olan narkotik istifadəçilərinin sayı 33 min 788 nəfərdir. Bu, 2020-ci ilin sonuna olan statistikadır. Bu ilin statistikası gələn ilin yanvar ayında olacaq”.
Lent.az-ın məlumatına görə, bunu Səhiyyə Nazirliyinin “İnstagram” səhifəsində “Narkomaniya ilə mübarizə" mövzusunda canlı yayımda Səhiyyə Nazirliyi Respublika Narkoloji Mərkəzinin baş direktoru Orxan Cəfərov deyib.
Onun sözlərinə görə, ölkədə 65 yaşdan yuxarı narkotik istifadəçilərinin də qeydiyyatı aparılır: “Azərbaycanda 65 yaşdan yuxarı 207 nəfər narkotik istifadəçisi qeydiyyatdadır. Son vaxtlar narkotik istifadəçilərinin sayında artım var. Bu, aparılan işlər nəticəsində rəsmi qeydiyyata düşənlərin sayının artması ilə bağlıdır. Azyaşlıların narkotikdən istifadə halları müşahidə edilir. Azyaşlıların sayı statistikada 9 nəfər olsa da, bu, tam statistikanı əks etdirmir. Çox vaxt narkotik istifadəçiləri müalicə üçün müraciət etmir”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
