Azərbaycan Milli Elmlər Akademiyasının (AMEA) ümumi yığıncağının keçiriləcəyi tarix məlum olub.
Lent.az-ın əldə etdiyi məlumata görə, AMEA-nın ümumi yığıncağı aprelin 27-də akademiyanın əsas binasında baş tutacaq.
Ümumi yığıncağın proqramı da məlumdur.
Proqrama əsasən, AMEA-nın vitse-prezidentləri Rasim Əliquliyev, Dilqəm Tağıyev, İbrahim Quliyev, İradə Hüseynova, İsa Həbibbəyli və Gövhər Baxşəliyeva ötən ildəki elmi və elmi-təşkilati fəaliyyətləri haqqında hesabat verəcəklər.
Bundan başqa, yığıncaqda AMEA-nın Naxçıvan və Gəncə bölmələrinin hesabatları dinləniləcək.
AMEA-nın vitse-prezidenti İsa Həbibbəyli qurumun nizamnaməsi haqqında məruzə edəcək.
Ümumi yığıncaqda AMEA-nın yeni prezidentinin seçiləcəyi də istisna edilmir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
