Uşaqlara qarşı alçaldıcı hərəkətlər edənlər tapıldı - RƏSMİ - YENİLƏNİB
13 aprel 2020 18:28 (UTC +04:00)

Uşaqlara qarşı alçaldıcı hərəkətlər edənlər tapıldı - RƏSMİ - YENİLƏNİB

Son günlərdə  uşaqlara qarşı alçaldıcı hərəkətlər edilərək sosial şəbəkələrdə paylaşılması ilə bağlı yayılan məlumatlar haqlı olaraq cəmiyyətdə böyük təəssüf və qəzəb hissi ilə qarşılanıb.

Lent.az xəbər verir ki,  qeyd olunan faktla bağlı Ailə, Qadın və Uşaq Problemləri üzrə Dövlət Komitəsi tərəfindən aidiyyəti qurumlara müraciət edilib.
Müraciətdə faktın araşdırılması, günahkar şəxslərin ölkəmizin qanunlarına müvafiq qaydada cəzalandırılması istiqamətində ciddi  addımların atlılması  tələb olunub:"

Azərbaycanda uşaqlara diqqət və qayğı, onların yüksək səviyyədə tərbiyəsi, layiqli vətəndaş olaraq böyüməsi milli-mənəvi dəyərlərimizdə mühüm yer tutur. Azərbaycan Konstitusiyasında da vurğulandığı kimi uşaqların qayğısına qalmaq və onları tərbiyə etmək, ilk növbədə, valideynlərin borcudur. Hər bir valideyn anlamalıdır ki, uşaqların mənəviyyatına xələl gətirən hərəkətlər ilk növbədə onların tərbiyəsinə və  bir vətəndaş kimi formalaşmasına mənfi təsir göstərir. Azərbaycanın da qoşulduğu BMT-nin “Uşaq hüquqları haqqında” Konvensiyası uşaqlardan öz mənafeyi ücün istifadə hallarını, onların mənəviyyatının alçaldılmasını qəti şəkildə yolverilməz hesab edir. Dövlətimiz də hüquqi dövlət olaraq Konvensiyanın  prinsiplərini üstün tutaraq belə hallarla ciddi mübarizə aparır.

Hazırda pandemiya ilə mübarizə şəraitində dövlətin həssas ailələrin yanında olaraq onların sosial vəziyyətinə mənfi təsirlərin azaldılması istiqamətində həyata keçirdiyi tədbirlərə rəğmən, bəzi vətəndaşların sosial məsuliyyətsizliyi, görülən işlərə kölgə salmaq mövqeyindən çıxış edərək cəmiyyətdə pozuculuq fəaliyyəti göstərməsi xalqımızın həmrəylik prinsiplərinə ziddir. Odur ki, hər bir vətəndaşı bu çətin günlərdə birgə olmağa, qarşılıqlı olaraq dövlətimizə və bir-birimizə dəstək olmağa səsləyirik".

Komitədən o da bildirilib ki, hadisəni törədən və videoya çəkərək paylaşan şəxslər artıq aşkarlanıb və həmin şəxslər barəsində aidiyyəti tədbirlər görüləcək.

Qeyd edək ki, bəzi insanlar öz məqsədləri üçün uşaqlarını ot yeməyə məcbur edib və bunu video çəkiliş edərək yayıblar. Son günlər uşaqlarla bağlı bu qəbildən olan bir neçə video çəkilib və sosial şəbəkələrdə yayılıb.

# 3705
avatar

Aygün İbrahimli

Oxşar yazılar