Kəmaləddin Heydərov və Elçin Quliyev Rusiyadan gələrək karantinə cəlb olunmuş vətəndaşlarla görüşüblər - FOTO

29 mart tarixində Azərbaycan Prezidenti İlham Əliyevin tapşırığına əsasən, Fövqəladə Hallar naziri general-polkovnik Kəmaləddin Heydərov və Dövlət Sərhəd Xidmətinin rəisi general-polkovnik Elçin Quliyev Rusiya Federasiyasından avtomobil yolu ilə ölkəyə gələrək zəruri sanitar-karantin tədbirlərinə cəlb olunmuş vətəndaşlarla görüşmək məqsədilə həmin ərazidə olublar.

Fövqəladə Hallar Nazirliyi və Dövlət Sərhəd Xidmətindən APA-ya daxil olan məlumatda bildirilir ki, hazırda karantin şəraitində saxlanılan vətəndaşlarla görüş zamanı Azərbaycan Prezidenti İlham Əliyevin rəhbərliyi altında koronavirus infeksiyasının yayılmasına qarşı mübarizə məqsədilə həyata keçirilən qabaqlayıcı tədbirlər haqqında geniş məlimat verilmiş, əhalinin sağlamlığının qorunması üçün bu tədbirlərin əhəmiyyəti və karantin rejiminin tələblərinə ciddi riayət edilməsinin vacibliyi izah olunub.

Vətəndaşların karantində qalma şəraitlərinə və qidalanma vəziyyətinə baxış keçirilmiş, üzləşdikləri problemlərlə maraqlanılmış, xahiş və müraciətləri dinlənilmiş, qaldırılan məsələlərin qısa müddətdə öz həllini tapması üçün tədbirlər görülüb. Karantin şəraitində yerləşdiriləcək şəxslər üçün əlavə ayrılmış yerlər və oradakı şərait öyrənilmiş, vətəndaşların və şəxsi heyətin təhlükəsizliyinin təmin edilməsi və sağlamlıqlarının qorunması üçün görülmüş işlər nəzərdən keçirilmiş, zəruri göstərişlər verilib.

Dövlət sərhədindən buraxılış məntəqəsində rejim tədbirlərinin təşkili vəziyyəti, ölkəyə gələn şəxslərin karantin ərazisinə təxliyə edilməsi məsələləri nəzərdən keçirilib, birgə fəaliyyətin yüksək səviyyədə təşkil olunması qeyd edilmiş və bu istiqamətdə aidiyyəti dövlət orqanlarının əməkdaşlığının daha da təkmilləşdirilməsi üzrə müvafiq tapşırıqlar verilib.Bu gün Dövlət Sərhəd Xidmətinin rəisi general-polkovnik Elçin Quliyev və Fövqəladə Hallar naziri general-polkovnik Kəmaləddin Heydərov Rusiyadan gəlib karantində saxlanılan vətəndaşlarla görüşüb.

DSX mətbuat mərkəzindən Lent.az-a daxil olan məlumata əsasən, hazırda karantin şəraitində saxlanılan vətəndaşlarla görüş zamanı koronavirus infeksiyasının yayılmasına qarşı mübarizə məqsədilə həyata keçirilən qabaqlayıcı tədbirlər haqqında geniş məlimat verilib, əhalinin sağlamlığının qorunması üçün bu tədbirlərin əhəmiyyəti və karantin rejiminin tələblərinə ciddi riayət edilməsinin vacibliyi izah olunub.