Süni intellekt uzunömürlü insanlar haqqında məlumatları analiz edərək maraqlı, eyni zamanda narahatedici nəticəyə gəlib. Alimlər insan ömrünün nəzəri olaraq 120-150 il arasında ola biləcəyini hesab etsələr də, praktikada insanların çoxu bu həddən xeyli az yaşayır. Sosial şəbəkələrdə istifadəçilər süni intellektə “140 il yaşamaq mümkündürmü?” sualını ünvanlayıb və alınan cavab tez-tez diqqətdən kənarda qalan bir faktora işarə edib.
Lent.az-ın xarici mediaya istinadən xəbərinə görə, süni intellektin qənaətinə görə, davamlı sinir gərginliyi insan orqanizmini demək olar ki, fasiləsiz həyəcan rejimində saxlayır.
Stress sözü birbaşa ölüm səbəbi kimi göstərilməsə də, onun insan bədəninə dağıdıcı təsiri tibb tərəfindən çoxdan sübut olunub.
Stress sağlamlığa necə təsir edir?
Böyük Britaniyanın Milli Səhiyyə Xidmətinin (National Health Service) məlumatına görə, stressin fiziki əlamətlərinə baş ağrısı, başgicəllənmə, həzm problemləri, sinə ağrısı və ürək döyüntüsünün sürətlənməsi daxildir. Bu vəziyyət uzun müddət davam etdikdə, orqanizm daim yüksək gərginlik altında işləməyə məcbur olur.
Bundan əlavə, 2010-cu ildə niderlandlı alimlərin apardığı araşdırma göstərib ki, stress hormonu sayılan kortizolun yüksək səviyyəsi ürək-damar xəstəlikləri riskinin artması ilə əlaqəlidir.
Uzunömürlülük nümunəsi kimi tez-tez fransız qadın Jan Kalman göstərilir. O, 122 il 164 gün yaşayaraq tarixdə ən uzunömürlü insanlardan biri kimi tanınır. Həyat tərzi bəzi baxımdan ideal hesab olunmasa da, o, sakit və sabit həyat sürüb, ciddi stress və sarsıntılardan uzaq olub. Tədqiqatçılar hesab edir ki, bu amil onun uzun ömür sürməsində mühüm rol oynaya bilər.
Beləliklə, elm hələ ki genetik riskləri tam aradan qaldırmağa və insan ömrünü radikal şəkildə uzatmağa qadir deyil. Lakin xroniki stressin azaldılması, həmçinin mavi zonalar adlandırılan bölgələrdə müşahidə olunan həyat tərzi, mülayim fiziki aktivlik, təbii qidalanma və güclü sosial əlaqələr insanın uzunömürlü olma ehtimalını artıra bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
